UP nënshkruan marrëveshje bashkëpunimi me Universitetin në Iowa të SHBA-së

11:34 | 9 Tetor 2023
E.H

Universiteti i Prishtinës njofton se ka nënshkruar zyrtarisht një marrëveshje bashkëpunimi me Drake University në Iowa, Shtetet e Bashkuara të Amerikës.

Në njoftim thuhet se kjo marrëveshje shënon një hap të rëndësishëm drejt nxitjes së bashkëpunimit edukativ, kulturor dhe kërkimor midis dy institucioneve.

“Studentët dhe mësimëdhënësit tanë tani do të kenë mundësinë për t’u përfshirë në një gamë të gjerë aktivitetesh bashkëpunuese, të tilla si shkëmbimet e studentëve, stafit akademik dhe akademikëve në të gjitha nivelet e studimit, vizitat e fakulteteve, përpjekjet e përbashkëta kërkimore, pjesëmarrjen në seminare, konferenca dhe aktivitete të ndryshme akademike”, thuhet në njoftim.

UP ka theksuar se mirëpret mundësitë dhe përvojat që ky bashkëpunim do t’u sjellë studentëve dhe universiteteve./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm